🔰 ഏലംകൃഷി നാശം: കര്‍ഷകര്‍ക്ക് കേന്ദ്രവിഹിതം 78 ലക്ഷം അനുവദിച്ചു⭕‼️

ഇടുക്കി : വേനല്‍ക്കാലത്ത് കടുത്ത ചൂടില്‍ ഉടുമ്ബൻചോല, ഇടുക്കി താലൂക്കുകളിലെ ഏലകൃഷി 70 ശതമാനത്തിലേറെ നശിച്ച സാഹചര്യത്തില്‍ കർഷകർക്ക് ധനസഹായമായി കേന്ദ്ര വിഹിതം78,53,208 രൂപ എ ഐ എം എസ് പോർട്ടലില്‍ അംഗീകരിച്ചിട്ടുണ്ടെന്ന് പ്രിൻസിപ്പല്‍ കൃഷി ഓഫീസർ അറിയിച്ചു.കളക്ടറേറ്റ് കോണ്‍ഫറൻസ് ഹാളില്‍ ചേർന്ന ജില്ലാ വികസനസമിതി യോഗത്തിലാണ് ഇത് സംബന്ധിച്ച് അറിയിപ്പ് ഉണ്ടായത്.

താമസിയാതെ കർഷകരുടെ അക്കൗണ്ടിലേക്ക് തുക വിതരണം ചെയ്യും.

2024ലെ വേനല്‍ ചൂടില്‍ പോർട്ടലില്‍ നിന്നുള്ള കണക്കനുസരിച്ച്‌ 2024 ജനുവരി ഒന്നു മുതല്‍ ജൂലായ് 31 വരെ 17944 ഏല കർഷകർക്ക് കൃഷിനാശമുണ്ടായതായും 4368.8613 ഹെക്ടറിലെ ഏലം നശിച്ചതായും 10.93 കോടി രൂപയുടെ നാശനഷ്ടമുണ്ടായി.