എല്ലാ വീടുകളിലും ഉള്ള സാധനമാണ് ഉപ്പ്. കറികളില്‍ രുചി കൂട്ടാൻ മാത്രമല്ല ഉപ്പിന് പല വിധത്തിലുള്ള ഗുണങ്ങളുണ്ട്. ഇതുപയോഗിച്ച്‌ അടുക്കളയില്‍ ഒരുപാട് കാര്യങ്ങള്‍ ചെയ്യാൻ സാധിക്കും. മാത്രമല്ല, വീടുകളില്‍ എത്തുന്ന പാറ്റ, എലി, കൊതുക് പോലുള്ള ജീവികളെ തുരത്താനും ഇത് സഹായിക്കും. അത് എങ്ങനെയെന്ന് നോക്കാം.
1. നോണ്‍സ്റ്റിക്ക് പാത്രങ്ങള്‍ക്കടിയില്‍ പറ്റിപ്പിടിച്ചിരിക്കുന്ന കറകള്‍ മാറ്റാൻ കല്ലുപ്പും സോപ്പും യോജിപ്പിച്ച്‌ പുരട്ടി കഴുകിയാല്‍ മതി.
2. രാത്രി അടുക്കള വൃത്തിയാക്കിയ ശേഷം കുറച്ച്‌ കല്ലുപ്പിട്ട് തിളപ്പിച്ച വെള്ളം സിങ്കിനുള്ളില്‍ ഒഴിക്കുന്നത് നല്ലതാണ്. ഇങ്ങനെ ചെയ്‌താല്‍ സിങ്കിനുള്ളില്‍ നിന്ന് പാറ്റ വരില്ല. അടുക്കളയില്‍ പലപ്പോഴും പാറ്റ എത്തുന്നത് ഈ സിങ്ക് വഴിയാണ്. അത് തടയാൻ സഹായിക്കും.
3. പാത്രത്തില്‍ സൂക്ഷിച്ചിരിക്കുന്ന മുളകുപൊടി മല്ലിപ്പൊടി എന്നിവ കട്ടയാകുന്ന പ്രശ്‌നമുണ്ടെങ്കില്‍ ഈ പൊടികള്‍ക്കൊപ്പം അല്‍പ്പം ഉപ്പ് ചേർത്ത് നന്നായി യോജിപ്പിച്ച്‌ വച്ചാല്‍ മതി.
4. ഒരു ഗ്ലാസ് വെള്ളത്തില്‍ ഏഴല്ലി വെളുത്തുള്ളി ചതച്ചതും 2 ടേബിള്‍സ്‌പൂണ്‍ ഉപ്പും ഇട്ട് നന്നായി തിളപ്പിക്കുക. തണുക്കുമ്ബോള്‍ ഇതിനെ ഒരു സ്‌പ്രേ ബോട്ടിലില്‍ ആക്കുക. ഒപ്പം ഏതെങ്കിലും ലോഷൻ കൂടെ ചേർക്കണം. വീട്ടില്‍ എലി വരുന്ന ഭാഗങ്ങളില്‍ ഈ സ്‌പ്രേ തളിച്ചുകൊടുക്കാം. ഒപ്പം കൊതുകിനെ ഓടിക്കാനും ഈ മാർഗം ഉത്തമമാണ്.
Post a Comment